SAGOT SA JUAN 8:58 at KAWIKAAN 8:22-30

 SAGOT SA JUAN 8:58 at KAWIKAAN 8:22-30

(Hango sa "DID CHRIST HAVE PRE-EXISTENCE?" By RUBEN D. AROMIN 

PASUGO GOD’S MESSAGE | NOVEMBER 2005 | VOLUME 57 | NUMBER 11 | PAGES 10-13. Isinalin sa Tagalog)

Sa kabila ng malinaw na pahayag ng Biblia na si Jesucristo ay tao (Juan 8:40; I Tim. 2:5; Gawa 2:22), at dahil dito, hindi Siya maaaring maging tunay na Diyos (Os. 11:9; Ez. 28:2), ang mga naniniwala sa diumano'y pagka-Diyos ni Cristo ay patuloy pa ring kumakapit sa paniniwalang si Cristo ay Diyos. Para sa kanila, ang mga talata sa Biblia na nagsasabing si Cristo ay tao ay naglalarawan lamang ng Kanyang kalikasan o estado habang Siya ay nasa lupa, at hindi upang pabulaanan ang Kanyang pagka-Diyos. Pinaniniwalaan nila na si Cristo ay Diyos na naging tao, sa kabila ng mga turo ng Biblia na taliwas dito. Sa pagtuturo na si Cristo ang tunay na Diyos, tinuturo rin nila na Siya ay umiral na mula pa noong simula bago pa Siya naging tao. Sa pag-aangkin na si Cristo ay may pre-eksistensya, pinaniniwalaan nila na Siya ay hindi nilikha, kundi kasama ng Ama, Siya ang co-Creator o kasamang lumikha ng lahat ng bagay.

Upang suportahan ang kanilang pag-aangkin tungkol kay Cristo, binabanggit nila ang mga talata sa Biblia, isa na rito ay Juan 8:58 kung saan sinabi ni Cristo:

"...Katotohanan, katotohanang sinasabi ko sa inyo, bago pa si Abraham ay ipinanganak, AKO NGA." (New King James Version)

Gamit ang pahayag na ito ni Cristo, ang mga naniniwala sa doktrina na si Cristo ay Diyos ay nagkokonklud na Siya ay umiral na bago pa ipinanganak si Abraham. Upang higit pang patunayan ang kanilang pag-aangkin, binabanggit nila ang talata 56 ng parehong kabanata ng Ebanghelyo ayon kay Juan kung saan sinabi ni Cristo sa mga Hudyo,

"Nagalak ang inyong amang si Abraham na makita ang aking araw, at nakita niya ito at natuwa" (Ibid.).

Iniinterpret nila ang mga pahayag na ito ng ating Panginoong Jesus na nangangahulugang Siya ay umiral na bago pa man ipinanganak ang Kanyang ina na si Maria. Ang isa pang talata na kanilang gustong banggitin upang patunayan na si Cristo, bago pa naging tao, ay may pre-eksistensya bilang Diyos ay ang Kawikaan 8:22-23:

"Inari ako ng Panginoon sa pasimula ng Kanyang lakad, bago pa magawa ang Kanyang mga dating gawa. Itinakda na ako mula sa walang hanggan, mula sa pasimula, bago pa nagkaroon ng lupa." (Ibid.)

Batay sa talatang ito, at sa iba pa, ipinapahayag nila na bago pa ang paglikha ng daigdig, si Cristo ay umiral na at Siya ay co-Creator ng Ama ng lahat ng bagay. Hindi namin kinukwestyon ang mga nakasulat sa mga nabanggit na talata. Ang mariing tinututulan namin ay ang maling pagkaunawa sa mga talatang ito, na humantong sa hindi makatarungang konklusyon na si Cristo ay may pre-eksistensya at Siya ay Diyos.

SI ABRAHAM AY UMIRAL BAGO SI CRISTO

Si Cristo ay hindi umiral bago umiral si Abraham; sa halip, SI ABRAHAM ANG UMIRAL BAGO SI CRISTO gaya ng patotoo ng Biblia, ganito:

"Ngayon kay Abraham at sa KANYANG BINHI ginawa ang mga pangako. Hindi sinasabi, 'At sa mga binhi,' na tulad sa marami, kundi tulad sa isa, 'At sa iyong Binhi,' na siyang Cristo." (Gal. 3:16, Ibid.)

Si Cristo ang binhi ni Abraham, kaya't MALI ang sabihing Siya ay umiral bago pa man si Abraham. Mahalaga ring tandaan na WALANG SINABI sa mga pahayag ni Cristo na kanilang ginagamit bilang patunay ng Kanyang diumano'y pre-eksistensya at pagka-Diyos na "bago ipinanganak si Abraham, AKO NGA ay Diyos." Bakit kaya sinabi ng ating Panginoong Jesucristo, "BAGO IPINANGANAK SI ABRAHAM, AKO NGA"? Ibig bang sabihin nito ay mayroon Siyang pre-eksistensya o Siya ay umiral na bago pa ipinanganak si Abraham? Nagbibigay linaw si Apostol Pedro tungkol dito, ganito:

"Na nakilala nga bago itinatag ang sanlibutan, ngunit nahayag sa mga huling panahon para sa inyong kapakanan." (I Ped. 1:20, Douay-Rheims Version)

Bago pa man nilikha ang daigdig, ang ating Panginoong Jesucristo ay nakilala na ng Diyos. Samakatuwid, ang nasa simula kasama ng Diyos ay hindi si Cristo kundi ANG FOREKNOWLEDGE NG DIYOS Tungkol sa Cristo. Pinatutunayan pa ito ni Apostol Pedro sa pamamagitan ng kanyang patotoo:

"Siya [Cristo], na ipinahayag ayon sa ITINAKDANG LAYUNIN at PAGKAKAALAM NG DIYOS..." (Gawa 2:23, NKJV)

Sa madaling salita, bago pa man nilikha ng Diyos ang daigdig, PLANO NA NIYA na magkakaroon ng isang Mesiyas o Cristo. Ngunit wala pang Cristo na umiiral sa simula, taliwas sa nais ipaniwala ng mga tagapagtaguyod ng doktrinang si Cristo ay Diyos, sapagkat Siya ay nagsimulang umiral nang Siya ay ipanganak sa Kanyang ina. Patotoo ni Apostol Pablo:

"Ngunit nang dumating ang kapuspusan ng panahon, sinugo ng Diyos ang Kanyang Anak, na ipinanganak ng isang babae, na ipinanganak sa ilalim ng kautusan." (Gal. 4:4, Ibid.)

ANG NAKITA NI ABRAHAM

Ang mga naniniwala sa pre-eksistensya ni Cristo bilang Diyos ay maaaring mag-argumento na kung si Cristo ay hindi umiral noong panahon ni Abraham at maging bago pa iyon, hindi Niya sasabihin sa mga Hudyo, "Nagalak ang inyong amang si Abraham na makita ang aking araw." Ipinahayag ba ni Cristo ito upang ipakahulugan na Siya ay umiral na noong panahon ni Abraham? Ano ang tinutukoy ni Cristo sa Juan 8:56 bilang "Aking araw" na nakita ni Abraham at siya ay natuwa? Muling nilinaw ito ni Apostol Pedro sa kanyang sulat:

"Ngunit ang mga langit at lupa na ngayon ay iniingatan ng parehong salita, ay nakalaan para sa apoy hanggang sa araw ng paghuhukom at pagkawasak ng mga taong walang takot sa Diyos. Ngunit ang ARAW NG PANGINOON ay darating na gaya ng magnanakaw sa gabi, kung saan ang mga langit ay lilipas na may malakas na ingay, at ang mga elemento ay matutunaw sa matinding init; parehong ang lupa at ang mga gawa na naroon ay masusunog." (II Ped. 3:7, 10, Ibid.)

Malinaw na ang Araw ng Paghuhukom ay tinatawag ding araw ng Panginoon dahil sa araw na iyon, ang ating Panginoong Jesucristo ay babalik. Ito ang araw ni Cristo na "nakita" ni Abraham. Ang dahilan kung bakit sinasabing nakita ni Abraham ang araw na ito ni Cristo ay ipinaliwanag ng manunulat ng Hebreo, ganito:

"Sa pananampalataya ay sinunod ni Abraham nang siya'y tinawag upang pumaroon sa lugar na kanyang tatanggapin bilang isang pamana. At siya ay pumaroon, hindi nalalaman kung saan siya pupunta. Sa pananampalataya ay tumira siya sa lupang ipinangako bilang isang dayuhan, naninirahan sa mga tolda kasama sina Isaac at Jacob, ang mga tagapagmana kasama niya ng parehong pangako; sapagkat siya ay naghihintay para sa lungsod na may mga pundasyon, na ang tagapagtayo at gumawa ay ang Diyos... Ang lahat ng mga ito ay namatay sa pananampalataya, hindi natanggap ang mga pangako, ngunit NAKITA NILA MULA SA MALAYO at nasiguro ng mga ito, niyakap  nila at ipinahayag na sila ay mga estranghero at mga manlalakbay sa lupa. Para sa mga nagsasabi ng gayong mga bagay ay hayagang ipinahahayag na sila ay naghahanap ng isang bayan. At tunay nga, kung naisip nila ang bansang mula sa kanilang pinanggalingan, magkakaroon sana sila ng pagkakataon na bumalik. Ngunit ngayon ay ninanasa nila ang mas mabuting bayan, iyon ay, isang makalangit na bayan. Kaya't ang Diyos ay hindi nahihiyang tawagin silang kanilang Diyos, sapagkat inihanda Niya para sa kanila ang isang lungsod." (Heb. 11:8-10, 13-16, Ibid.)

Sa pamamagitan ng pananampalataya, si Abraham, kasama sina Isaac at Jacob, "NAKITA MULA SA MALAYO" ang Lupang Pangako o ang Banal na Lungsod, bagama't sila ay namatay nang hindi natatanggap ito. Ang salitang "malayo" ay tumutukoy sa oras ng katuparan ng pangako, na mangyayari sa ikalawang pagdating ng Panginoong Jesucristo. Kaya't si Abraham ay nagalak sa pananampalataya nang "makita" niya ang araw ni Cristo.

YAONG INARI NG PANGINOON

Bagama’t hindi malinaw na ipinahayag sa Kawikaan 8:22-23 na si Cristo ang tinutukoy na inari ng Panginoon bago likhain ang mundo, ginagamit ito ng mga tagasunod ng doktrina na si Cristo ay Diyos upang patunayan ang Kanyang diumano’y pre-eksistensya. WALANG ANUMANG NABANGGIT na pangalan ni Cristo sa buong kabanatang ito ng Kawikaan, ni hindi Siya tahasang tinukoy bilang yaong inari ng Panginoon sa simula. Ang maliwanag na ipinahayag sa mga naunang talata ng nasabing kabanata ng Kawikaan ay ang karunungan ang inari ng Diyos sa simula:

“Hindi ba't ang karunungan ay umiiyak, at ang unawa ay inilalakas ang kanyang tinig? Sapagkat ang karunungan ay higit na mabuti kaysa mga rubi, at lahat ng bagay na maaaring naisin ng sinuman ay hindi maipapantay sa kanya.

“Ako, karunungan, ay tumatahan na kasama ng mabuting pagpapasya, at natutuklasan ko ang kaalaman at kabaitan.” (Kaw. 8:1, 11-12, New King James Version)

Ang karunungan ang inari ng Diyos sa simula at hindi isang pre-eksistenteng Cristo na ipinagpapalagay ng mga naniniwala sa Kanyang pagka-Diyos. Ang karunungan ay umiiral na bago pa ang paglikha ng lahat ng bagay sapagkat ang karunungan ang ginamit ng Panginoong Diyos sa paglikha ng mga ito. Pinalilinaw pa ito ng Aklat ng Kawikaan:

“Ang Panginoon sa pamamagitan ng karunungan ay itinatag ang lupa; sa pamamagitan ng unawa ay Kanyang itinatag ang mga langit; sa pamamagitan ng Kanyang kaalaman ang kalaliman ay nabuksan, at ang mga ulap ay bumababa ng hamog.” (Kaw. 3:19-20, Ibid.)

Gayunman, ang mga naniniwala sa pre-eksistensya ni Cristo ay nagsasabi na Siya ay tinukoy sa Biblia bilang karunungan ng Diyos, batay sa I Corinto 1:24. Dahil dito, ayon sa kanila, si Cristo ang karunungang umiiral na at siyang inari ng Panginoon sa simula tulad ng binabanggit sa mga talatang pinag-uusapan. HINDI MAITATANGGI ANG KATOTOHANANG tinutukoy ng Biblia si Cristo bilang karunungan ng Diyos, ngunit ang pagpapalagay mula rito na si Cristo ang karunungang tinutukoy sa Kawikaan na inari ng Diyos sa simula ay labis na mali. Bakit? SA ANONG KAHULUGAN si Cristo ang karunungan ng Diyos? Tatalakayin natin ang I Corinto 1:24 at ang paglilinaw ni Apostol Pablo sa talata 30 ng parehong kabanata ng kanyang sulat:

“Ngunit sa mga tinawag, maging mga Judio at mga Griyego, si Cristo ang kapangyarihan ng Diyos at ang karunungan ng Diyos. ... Datapwat sa Kanya kayo ay nasa Cristo Jesus, na naging sa atin ay karunungan mula sa Diyos—at katuwiran at kabanalan at katubusan.” (Ibid.)

Maliwanag na sinabi ni Apostol Pablo na si Cristo ang kapangyarihan at karunungan ng Diyos para tayo’y mapabanal at matubos mula sa kasalanan, o sa ibang salita, SI CRISTO ANG KARUNUNGAN NG DIYOS TUNGO SA KALIGTASAN. Kaya’t Siya ay hindi ang karunungang tinutukoy sa Aklat ng Kawikaan na ginamit ng ating Panginoong Diyos sa paglikha ng lahat ng bagay.

HINDI NAAAYON SA ARAL NG BIBLIA

Kasama ng kanilang alegasyon na si Cristo ay may pre-eksistensya ang kanilang pahayag na Siya ay hindi nilikha kundi kapwa Manlilikha ng Ama. Ngunit, ito ba ay ayon sa Biblia? Paano nga ba isinilang si Cristo ayon sa inilarawan sa Biblia? Sa Ebanghelyo ayon kay Mateo, ito ay isinalaysay:

“Ngunit habang iniisip niya ito, narito, nagpakita sa kanya ang isang anghel ng Panginoon sa panaginip, na nagsasabi, ‘Jose, anak ni David, huwag kang matakot na kunin si Maria na iyong asawa; sapagkat ang batang ipinaglihi niya ay sa Espiritu Santo.’” (Matt. 1:20, New American Standard Bible)

Si Cristo ay ipinaglihi sa sinapupunan ng Kanyang ina. Ang tunay na Diyos ay hindi maaaring ipaglihi ng sinumang ina sapagkat Siya ay “mula sa walang hanggan hanggang sa walang hanggan” (Awit 90:2) at dahil dito, Siya ay hindi nilikha. At kung sakali, for the sake of argument, na si Cristo ay tunay ding Diyos na umiiral bago pa ang Ama, lalabas na may dalawang tunay na Diyos—isang tunay na Diyos na Manlilikha at isang tunay na Diyos na nilikha. Ito ay hindi lamang labag sa Biblia, kundi lubos ding katawa-tawa.

Sa katunayan, ang ating Panginoong Jesucristo ay isang nilikhang nilalang. Upang patunayan pa na Siya ay nilikha at hindi ang Manlilikha o kapwa Manlilikha ng Ama, isinulat ni Apostol Pablo:

“Siya ang larawan ng di-nakikitang Diyos, ang panganay sa lahat ng nilikha.” (Col. 1:15, Revised Standard Version)

Ang pariralang “panganay sa lahat ng nilikha” ay hindi nangangahulugang si Cristo ang unang nilikha o ang unang dinala sa pagiging. Tulad ng ipinaliwanag kanina sa artikulong ito, bago pa man nilikha ng Diyos ang mundo, si Cristo ay foreknown o nasa isipan na ng Diyos sapagkat Siya ay nagplano na lumikha ng isang Mesiyas o Cristo. Ito ay ginawa ng Diyos, kahit bago pa Niya nilikha ang mundo upang ang lahat ng bagay na Kanyang likhain ay para kay Cristo at sa pamamagitan Niya. Ipinaliwanag ni Apostol Pablo:

“Sapagkat sa Kanya nilikha ang lahat ng bagay, sa langit at sa lupa, nakikita at hindi nakikita, maging mga trono o mga pamunuan o mga kapamahalaan o mga kapangyarihan—lahat ng bagay ay nilikha sa pamamagitan Niya at para sa Kanya. Siya ay una sa lahat ng bagay, at sa Kanya ang lahat ng bagay ay magkaisa.” (Col. 1:16-17, Ibid.)

Nagplano ang Diyos bago pa man Niya nilikha ang daigdig na magkakaroon ng isang Cristo sapagkat itinakda Niya na ang lahat ng bagay na Kanyang lilikhain ay para kay Cristo at sa pamamagitan Niya. Ngunit sa kabila nito, ang katotohanan ay nananatili na si Cristo ay isa sa mga nilikha ng Diyos at hindi umiiral bilang kapwa Manlilikha ng Ama. Sinabi ng Panginoong Diyos ang lahat ng ito nang Kanyang ipahayag:

“Ako ang PANGINOON, ang iyong Tagapagligtas; Ako ang naglikha sa iyo. Ako ang PANGINOON, ang Manlilikha ng lahat ng bagay. AKO LAMANG ang naglatag ng mga kalangitan; nang Aking likhain ang lupa, WALANG TUMULONG SA AKIN.” (Isa. 44:24, Today’s English Version)

Si Cristo ay hindi maaaring umiiral sa simula ng paglikha bilang kapwa Manlilikha ng Diyos sapagkat ang Diyos Mismo ang nagsabi na SIYA LAMANG ang naglatag ng mga kalangitan at nang Kanyang likhain ang lupa, WALANG TUMULONG SA KANYA. Samakatuwid, ang paniniwalang si Cristo ay umiiral na bilang Diyos at kapwa Manlilikha ng Ama ay SALUNGAT sa aral ng Biblia. Sa mga naniniwala sa ganitong maling doktrina, ang sumusunod na pahayag ng ating Panginoong Jesucristo ay naaangkop:

“… NAGKAKAMALI KAYO, HINDI NAIINTINDIHAN ANG MGA KASULATAN, O ANG KAPANGYARIHAN NG DIYOS.” (Matt. 22:29, NASB) *